Туристичка виза

Туристички визи за Австралија

Австралија е една од најатрактивните туристички дестинации во светот, позната по својата природна убавина, модерните градови, прекрасните плажи и уникатната култура.

Без разлика дали планирате одмор, разгледување на знаменитостите, посета на роднини и пријатели или присуство на семеен настан, за влез во Австралија потребно е да поседувате соодветна виза.

Туристичките визи им овозможуваат на странските државјани привремено да престојуваат во Австралија за туристички и други дозволени посетителски активности.

Во Australian Migration Office (AMO) обезбедуваме професионално советување и помош при изборот, подготовката и поднесувањето на апликации за туристички визи, во согласност со австралиското имиграциско законодавство.

Планирање на Вашето патување

Навременото планирање е важен дел од подготовката за патување во Австралија.

Препорачуваме постапката за добивање туристичка виза да ја започнете приближно три месеци пред планираното патување, особено доколку аплицирате за виза што бара подетална документација.

Времето потребно за обработка на апликациите може значително да се разликува во зависност од видот на визата, индивидуалните околности и дополнителните проверки што може да ги побара австралиското Министерство за внатрешни работи.

Ви препорачуваме да не купувате неповратни авионски билети или да преземате други значителни финансиски обврски пред да добиете позитивна одлука за Вашата виза.

Опции за туристички визи

Австралискиот имиграциски систем нуди повеќе категории визи за лица кои сакаат привремено да ја посетат Австралија.

Изборот на соодветната виза зависи од Вашето државјанство, видот на пасошот, целта на патувањето и планираниот период на престој.

Најчестите категории се:

Посетителска виза (поткласа 600)

Visitor Visa – Subclass 600

Оваа виза е наменета за лица кои сакаат да ја посетат Австралија за одмор, туризам, посета на семејството или пријателите и други дозволени активности.

Во зависност од околностите, визата може да овозможи престој од три, шест или до дванаесет месеци.

Визата може да биде издадена за еднократен или повеќекратен влез, во зависност од индивидуалната проценка на австралиските имиграциски органи.

Кандидатите мора да докажат дека имаат вистинска намера за привремен престој, доволно финансиски средства за патувањето и дека ги исполнуваат останатите визи услови.

Поткласата 600 вклучува повеќе категории, меѓу кои се туристичката категорија (Tourist Stream) и категоријата за посета со семејно спонзорство (Sponsored Family Stream).

Електронска посетителска виза (поткласа 651)

eVisitor Visa – Subclass 651

Оваа виза е наменета за државјани на одредени европски земји кои сакаат да ја посетат Австралија за туризам, посета на семејство или дозволени краткорочни деловни активности.

Визата овозможува повеќекратни патувања во Австралија во период од дванаесет месеци, со максимален престој до три месеци при секој влез.

Право на аплицирање имаат носители на пасоши од определени земји, вклучувајќи ги Грција, Бугарија, Германија и други европски држави.

Аплицирањето се врши електронски, а за оваа виза не се наплаќа државна такса за апликација.

Државјаните на Северна Македонија кои поседуваат само македонски пасош не се квалификуваат за оваа категорија.

Електронско одобрение за патување (поткласа 601)

Electronic Travel Authority (ETA) – Subclass 601

Оваа виза е наменета за носители на пасоши од одредени земји кои сакаат краткорочно да ја посетат Австралија за туристички или дозволени деловни активности.

Вообичаено овозможува повеќекратни патувања во период до дванаесет месеци, со престој до три месеци при секој влез.

Апликацијата се поднесува преку официјалната мобилна апликација Australian ETA, а правото на аплицирање зависи од државјанството и видот на пасошот.

За аплицирањето се наплаќа административна такса за користење на апликацијата.

Планирате патување во Австралија?

Без разлика дали сакате да ја посетите Австралија за одмор, да поминете време со Вашето семејство или да присуствувате на важен семеен настан, нашиот тим може да Ви помогне со подготовката на Вашата апликација.

Кои се основните услови за добивање туристичка виза?

Условите зависат од конкретната визна категорија, но при разгледувањето на апликацијата вообичаено се земаат предвид:

• Целта на патувањето – причината поради која сакате да ја посетите Австралија.
• Финансиската состојба – дали располагате со доволно средства за патувањето и престојот.
• Личните и семејните околности – Вашите врски со земјата во која живеете.
• Работниот статус – вработување, сопствен бизнис, студирање или други професионални обврски.
• Историјата на патувања – претходни меѓународни патувања и почитување на визите услови.
• Здравствените и карактерните барања – исполнување на соодветните австралиски имиграциски критериуми.

Кандидатите мора да имаат вистинска намера за привремена посета и да ги почитуваат условите на одобрената виза.

Важно: Туристичките визи не дозволуваат работа во Австралија. За вработување потребно е да поседувате соодветна виза со право на работа.

Како може да Ви помогне Australian Migration Office?

Нашиот регистриран австралиски миграциски агент може да Ви помогне со:

• Проценка на Вашите можности за добивање туристичка виза.
• Избор на најсоодветната визна категорија.
• Подготовка на индивидуална листа на потребни документи.
• Проверка на финансиските, семејните и другите релевантни докази.
• Професионална подготовка и поднесување на апликацијата.
• Комуникација со австралиските имиграциски органи во текот на постапката.

Секоја апликација се разгледува индивидуално, земајќи ги предвид личните околности на кандидатот и условите на соодветната визна категорија.

Контактирајте нè и дознајте како можеме да Ви помогнеме да го организирате Вашето патување во Австралија.